\我第一句就同你講再見
因為我真系專程黎同你道別架
我知道我係邊個嫁
不過你唔記得左之嘛
我記得你嘅
你總系笑眯眯甘望住我
你唔講嘢
淨系聽我講嘢
嗰陣時個世界好安靜
無而家咁嘈
襯得我特別吱喳特別開心
我記得你隻手
掃過我背脊既感覺
我記得同你去睇影畫戲
你會系響我耳仔邊講嘢
你講得好細聲
其實我一啲都聽唔清楚
不過
我好鐘意聽你甘樣同我講嘢
以後再無人甘樣同過我講嘢
我記得你好鐘意睇日落
睇完日落就去聽音樂會
我地又成日散步去食宵夜
個陣唔知點解
周不時分唔清究竟系星期幾
日子好似唔會過去嘅
時間都好似系停左落黎咁
然後忽然間
就發覺原來已經經過左好多年
我記得好痛
因為你話俾我知你要走
我再無睇過日落
亦都無再同人食宵夜
原來難過嘅日子
一樣繫好似唔會過去
然後又系一眨眼
至發覺已經過左好多年
我記得